又返大陸了…..媽啊

標題果句"媽啊"係指我阿媽遣返我返大陸, 唔係擬聲詞, 唔好誤會

返下大陸其實都係好事, 可以同大陸班朋友聚下舊, 幾位高考果陣有冇盡力啊?

返大陸順便捉埋絲娜返去比人玩, 得我自己返去你就留係澳門煲機? 好難啦!

你準備好比龍哥同晴妹玩吧啦! 哈哈哈哈哈哈哈哈….(福山上身)

有冇人知CZ張印花卡有咩用, 絲娜爆點爆滿左幾張返黎…….

夢幻龍族(舞者): 伺服器: 全區; 月光水晶, 角色名: 無擊, 職業:遊俠(民), 等級: 25

我要親友團啊!!!! 話說當年02刺客個名同我幾夾… 用呢個名都好易出好裝… GD

近排鍾意左聽SnowFlake 記憶の固執, 又要開始loop歌啦…..

P.S: 50年前讓世間震動的惡夢將於26號回歸, 哈哈哈哈哈哈哈(黑暗王子Mode)

我…終於成為了高達!!!(大誤)

正如標題所講, 我正式加入了天人組織, 成為了高達使者

我將會切實執行武力介入的志向!! 斬斷世上一切扭曲!!!

(立即比人打包好從25樓飛落街)

以上講笑only….. 實情係澳大收左我, 同時意味我下年會係大學生

除非澳大比人炸左 / 郵政總局玩野, 否則都會係…….

講返Econ系, 我地6A有5名壯士加入左, 但係全部人數為unknown….

我驚入邊唔會得我地5個稱霸天下掛….(囧: 冇可能)

澳大對我而言只係安全所, 但都可能係唯一出路…..

香港? 我早已絕望, 3個A-level ge A喎, 老胡份maths 橫睇掂睇都唔會有…..

台灣我仲真係想去, 主要都係大姊佢地準備開cafe, 去到可以打下工, 吹下水

嘆下咖啡, 睇下大姊著侍應服咁(<真正目的) 不過台灣份野…. 算啦, 唔好再提傷心事

入左澳大我就可以名正言順換電腦同整新ge 敗家櫃, 不過…. 錢啊! Where a you????

總而言之, 我下年將會對所有戰爭行為進行武力介入!!(人黎, 拖佢走…)

話說Raymd, 你上一篇果D回覆係咪想同我挑機…..我係港版SDGO等你…(換機後)

P.S: 過左小八生日5日我先記得….太失態啦…. 生日快樂!八神疾風!!

我從地獄回來了!!I shall be back!!!

I SHALL BE BACK!!!!

過左N咁多日終於又再勇破地獄回到人間….. 仲有GCE?

唔理啦, 反正香港觸礁, 頹考吧…….

澳大, 台灣, 兩邊都好擔心….台灣應該會爆機…. 澳大? 誰知道啊, 今年咁多人考…..

唔好講埋D傷心事, 講返近況, 本人近日玩返Starcraft/星海爭霸, 發現自己RTS技術太甜啦…

入到去比電腦S到冇得再S…. 場場都係一面倒之下比電腦ko…. 我…想開老金啊…..

25號….夢幻龍族公測….今年主攻呢隻吧, 不過得我同導師玩, 其他兄弟? 係度WOW緊….

(我唔係講緊Pizzahat個wow常餐, 唔好誤會…)

今年可能係老胡良心發現都唔定, 佢表演左咩叫真正ge 華麗大魔術…..

F5F6冇人補考…. econ, acc都變到魔術…… 囧rz 請受小弟一拜……

H1N1睇黎仲未威脅到澳門…..不過已經威脅到我….

由於日本已經淪陷ge 關係, 某娜今晚夜機返香港, 聽日11點船….

美其名係避難, 實情係日本冇野好玩返黎玩我…….囧

今個暑假(?)又有排煩….. 如果各位某日行街見到有個女仔頭綁3個蝴蝶結, 衣著完全違反澳門一眾少女風格….

恭喜晒, 你已經中獎, 請迅速致電28315484聯絡 中國中央精神病院澳門分院 捉返佢入去, 多謝合作!!!

要讀粵華F6就要有覺悟

F6一年只可以用地獄黎形容…. 老胡飛機式教數, 小夫"打救你"會計….

再加埋週三中文自助餐同經濟考試輪盤, 呢3個星期簡直同去左伊拉克無分別

一個唔小心就係咁先, 我….後悔冇跟隨偉大ge 總舵主進入Umac Pre-U 搏殺….

呢3個星期, 禁藥服用次數高達雙位數….. 咁考試果陣我都要買定幾支1.25L裝擺定係屋企

唔係就….. 噢~我不入地獄誰入地獄……..

仲有N日就過生日….. 咁就18歲….. 距離成為魔法師/猛男/死亡又近左一大步…..

下星期就要開始….應該係繼續地獄之旅….. 希望有命出返黎…..

不過就算有命出返黎仲要面對考試月……. 我….突然好想穿越去異世界…(小說上腦)

下次如果仲有命的話就會寫blog….. 有緣再會

情人節?那是甚麼?

2日前就係對對情侶等左1年咁耐, 等到頸都長

同時又係我地去死去死團一年出動的日子

上年咁ge日子我都仲有人情收下…..今年? 我和一眾外國會友一齊打藍龍!

一字記之曰: 爽! 反正本人怨念年年都咁勁, 今年將藍龍輾到冇得再輾………

只可惜…….冇裝岩我用…….用騎打出布甲, 用法打出鎧甲……. B社你一定係玩我!!!

最慘就係荷包又中刀…….. Alter雙刀版菲特7月出……. 如無意外又會唔見800+

算數, 錢攞返黎就係要用, 唔用就冇左佢個功能

大人成日都話要慳錢…. 唔好用, 我只可以話: 你都膠ge, 唔用錢咁你唔好打工啊, 笨!

新年回顧但並無加強版

咁就新一年,本人在此僅祝各位身體健康, 學業進步, 龍馬精神

早日失身(?), 早生貴子, 三年抱倆(立即被人打包從25樓飛落街)

新年就係無聊, 返大陸一個星期, 除左睇小說就係出去食飯….

新年收入3000不足…… 不過足夠本人再增添收藏品….

新年新的志願: 考上大學!! (囧: 有邊個中學生唔想讀U?)

(再次被人打包從25樓飛落街)

新年新的行動: 唔再煲機! 改睇小說! (一樣……..)

今日係4號….再過十日就係我地去死去死團出擊之時!!!

本人已經準備好GOW 騎兵突擊步槍, 當日上街鋸人!!!

去死去死吧!!! (第3次被人打包從25樓飛落街)

突然發現下川果首係Eva, 唔係Marcoss…..年紀大記憶差….

本人僅以3個鞠躬向該名熱心網友致謝!

(某: 我仲未死啊!!!) (一鞠躬, 二鞠躬, 三鞠躬, 家屬謝禮)

新年回顧就此結束, 散場!

08回顧 – 又係一事無成的一年

話咁快就到左08年最後一日, 過多個半鐘左右就09…….

倒數? 我都係同班美國佬齊齊打Naxx四騎士算數……

過去ge一年, 好似咩都冇做過咁, 話過就過, 咁又晒左一年….

講真, 我真係唔想咁快到09, 唔係因為唔捨得, 而係一到09就要exam….Damn It!!!

08年最大果件事莫過於大姊離家出走, 仲係由台灣出走到澳門, 你都算係第一個啦

聖誕節, 不過不失, 23號同眾兄弟一齊食自助餐, 不過冇人同我去"啪"雪糕 – 失望

24號, 下川歌謠祭! Marcoss 神曲再現! 同時我都要搞返部相機先得…… 電話好唔掂…

最開心就係絲娜終於去左日本, 終於唔洗比人搞, 不過佢又留低單大鑊野我搞, 媽的

不過咁睇返, 情人節我咪冇義理朱古力收? 算, 食少D當減肥……..

寫緊Blog ge同時, 我發覺真係好需要記憶面包, 我出高價收講!!!!

聽日預計會upload 埋初音D相, 09見!(咪即係聽日……)

向GCE勇者致敬

23號話去自助餐ge朋友注意啦, 23號8:15p.m 請準時係Grand Lisboa門口集合

夠3個人或以上就會上去攞位, 遲左請自己上去

24號晚個下川演唱會要一齊睇ge都唔該講聲………….

=================================================

講返無聊野, 今次又係一個月先更新個blog….失敗……

隻Figma初音攞左成兩個星期都仲未影相…..等聖誕假先影…..

過完個聖誕都係我破產之時…..默哀…….

星期六終於要送絲娜過HK…….去到日本唔洗掛住我

記得到時MSN開Web Cam著女僕裝, 巫女裝, 和服比我睇就得…….(炸)

大姊聖誕又過黎??!! 我好忙,唔好搵我…..去搵大叔唔該(唔該網友翻譯返比佢聽)

GCE果然係勇者出沒地, 我地班太多勇者啦, 各位請努力鬥惡龍啦!!!!!

A-L Acc, ECON, CHI, Maths, 4科加埋簡直係地獄…..在此向眾多勇者致敬!!!

各位一路走好, 安心上路!!!(毆)

飼料恐懼症再發作

話說我不嬲對飼料都幾抗拒下, 由其係某M字頭公司ge出品

不過K公司出品都仲可以接受, 但係今次連K公司都有埋抗性

睇黎我以後唔可以玩快速解決….Orz

事原係尋日同幾個朋友食完K公司早餐之後就去左睇大"炒"車

點知咁岩撞返以前Don Bosco 識ge 幾個小四同學, 一見到我就認得出

我都認唔出佢地, orz 一見面就叫我會長…. 我冇做魔力個會長好耐啦

放過我啦, 誰知中午竟然又係去K公司食大大桶……

到左今日中午, 知名出煙人士澳門欄王竟然又話去食K……….

好! 得! 夠啦! (古月Mode On!) 直到下年之前都唔好再叫我去食K, 我會自動離隊!

================================================

講返果幾個舊同學, 有男有女, 男ge 係當年比我玩過, 女ge 當年成日搞我=.=

呢種關係真係好微妙下….. 幾位女同學仲要話我而家仲係咁有(比人玩ge)吸引力, 囧

只能怪自己細個生得太可愛….. 我都唔想咁講,

皆因十個有九個睇過我細個D 相ge 人都話我可愛…..

連大姊都咁講, 我有咩好講呢…..

核戰過後簡易生存指南

睇到標題唔好以為第3次世界大戰要開打, 只係我打Fallout 3領略到D人生道理only

以下ge 無論核戰前後都可以用, 不過用前請自行思考

我只寫point form, 睇唔明請再睇幾次, 再唔明請去青山搵葉總報到, 多謝!

-戰鬥時, 一切都係虛幻, 只有打面先係最有用

-人棄我取, 賣到錢ge 都要撿, 跑多幾次都冇所謂

-千祈唔好驚做壞人,有時候壞人得到ge 好處比好人多, 做好人最多係自High

-簡單ge 做事方法就係暴力, 但係暴力唔係最好ge 做事方法

-如果有人不懷好意咁行過黎, 不妨向對方開一槍

-世上冇真正ge 敵人, 只有你仲未出賣過ge 朋友, 所以收兩家茶禮係冇問題ge

 (P.S: 當然要兩邊都唔知情, 唔係會死得好慘)

以下係自high 用memo:

-仲有3個星期就係大姊生日, 要開始準備禮物 etc….

-PCGame 數勇破50大關….. 不過冇人叫我請食飯, 算數當洗少一筆

-數完PC就係時候數H-game, 多過100我再請食飯……

-今日係大陸版魔力2公測, 幾時到台灣同港澳版……

-做完又做, Quiz完又Quiz, Test完又Test…. 人生果然係不停咁reloop……